紅色好D......
粒轉波燈換番紅色長著，好D啦！

RSM追加功能----捉虫轉波燈
好鬼無聊……於是搵D無聊嘅DIY玩吓，其實個Apexi RSM仲有2個功能未用， 就係佢可以响指定轉數同埋指定車速，分別地接通2個12VDC嘅訊號，即係話可以响某轉數同埋車速去啟動電器. 好自然轉數果part梗係整轉波燈啦！响鴨仔街買料$30，LED，LED膠榖，電線，電阻，鋒嗚器同埋細線插……主要係搵條長火經鋒嗚器去LED再經RSM接地就OK，鋒嗚器好大聲"Beep....Beep"咁叫，我就狂包電燈膠布收响錶板內格，大細聲就OK番！LED我就咗响A柱錶榖度，但係錯誤地揀咗超白閃光，整完夜晚去遊車河比粒LED嚇咗一跳，好似中快相閃光燈咁，心都寒埋！！要盡快換番紅色，好彩我係用線插駁粒LED，隨時可以換……呢次真係捉虫！！