2005年8月30日


一直都好想整一個賽車場景,個Show Case响宜家傢俬買咗成年,不過一直忙到死唔得閒砌,趁呢排得閒DD,的起心肝整!起初諗住整個Rally場景,但後來發覺唔係易......都唔知點整條泥路出嚟。有一日响屯門市中心個玩具部見到2部Tomica造嘅Honda NSX JGTC賽車,手工精美,而且只係$45一部,於是買番2部先。開頭諗住整條彎路刺激D,但係又諗唔倒用乜嚟整條紅白間,唯有單調D整彎前100M直路。條直嘅紅白間用乜整??哈哈......就係用人地「穿魚骨Notes」果條魚骨,剪晒D「橫骨」出嚟,再响條主骨上面間格咁噴上紅色,That is !!!叻嘛?跑道係用4000號幼沙紙,草皮係用文具舖買到嘅絨面紙.....全部夾埋唔洗$150!大家得閒砌番個!講番呢場賽事先,8號車响外檔想射線入彎,但100號車想响內線攝位,邊個夠膽late brake入彎而唔炒,邊個就贏.........!

2005年8月29日

呢部又點?隻色好Sharp!其實有陣時諗,車齡高唔緊要,如果車主錫車keep得好,根本唔係問題!改得好的話,舊車種一樣俾到人驚喜!!

2005年8月27日

呢部明燈AE92,落咗一套幾跨張嘅包圍,我第一眼望落去就有一種好「硬朗」嘅feel,黑色車身襯上金色TRD軨,真係好鬼靚!由於呢剖AE92都成15年歷史,仍然都keep到咁靚,所以我影低咗佢留念.........

2005年8月25日

今日再次入去噴油房探仔仔,內格完全噴晒啦!外面大部分都搞掂,力架都上咗,只係剩番頭冚同尾冚未噴。隻色襯落部車度,我只可以用得意嚟形容,始終要裝好晒所有嘢先知道結果係點,之前用PhotoShop執過Preview過,都係好概括咁想像,加上我下呢個決定後亦收到極大嘅反對回响!唉!總之而家只有等啦!師傅話噴好晒之後最好等番3日先開始磨光,因為D力架乾透先磨光效果靚D同耐用D,照睇仲要多10-15日啦,雖然好心急,但我都叫師傅慢慢,最緊要靚!!

2005年8月23日

好耐之事嘅事lu,果陣仲用緊5-Zigen N1R軨同4隻駭凸Rally款泥擋,拍响屋企樓下,第二朝要送人去婚禮,去到部車度,直頭嚇咗一跳,右頭沙板比人一技超級Hit & Run!!仲要入到卡住個轆行唔倒,之後我狂大力將輪栱位拉出嚟,先可以勉强行到!

2005年8月22日

入去車房探仔仔,由於路途遙遠,問朋友借咗部Honda Jazz GD1代步,其實之前都開遏Jazz,不過係限於短途駕駛,今次來回九龍東及新界北,行程中發覺Jazz嘅車架係好實淨!可能由於呢部車裝咗K1 Racing軨同Yokohama AD07胎啦,不過我係借人地部車,加上落住超大雨,我當然唔係話撞激測試或極速劈彎啦,只係响正常車速下轉彎,部車表現得好「有質感」同「實在」,我會覺得佢嘅極限係可以好高!但係部車最差就係Engine唔夠力,同埋CVT波箱表現好古怪,上車踩油時往往只係「有轉冇力」!另方面Brake Performace亦唔足夠,踩Brake嘅初期係冇乜反應,係踩咗約2-3秒後先嚟,而最奇怪嘅係部車Break至約10km/hr時,即使鬆了Brake亦會突然「拖慢感速」,我之前開過另一部Jazz一樣係咁,唔知會唔會係CVT嘅怪特性,如果Jazz呢部車有130-150匹及6速波箱,咁就係一部very good & fun 嘅車嘞!

2005年8月20日


今日入去噴油房探仔仔,終於開工噴啦!內格大部份噴晒,外面都噴咗第一層,工序好滿意!不過連日下雨,擔心影嚮工程......我同師父講千其唔好急,我絕唔趕,有的是時間。始終唔敢嚇親大家,暫時post住D黑白相先,完工後再影D好D嘅相!期待.................!

2005年8月18日

執房執到幾個識咗好耐嘅舊朋友,就係2部黑白Display嘅GameBoy,一部厚版,一部薄版;另外有部近廿年嘅Donkey Kong 3遊戲機,不過冇药丸電,冇得著機;最正係下面果盒波子棋.......D波子仲齊晒,不過我玩得好水皮

間電腦房其實係垃圾缸,頂唔順啦!見今日得閒小小,一定要執一執......發覺成間房嘅櫃桶,有7成以上係垃圾!!把心一橫掉晒佢!!哈哈,用咗3粒鐘,終於搞掂,不過我諗唔使3個月就打回原形!趁而家咁乾淨,大家睇吓之前同之後嘅分別!!!


冇車嘅日子,真係有D悶,唯有揾番D嘢玩吓,唉!學咗幾年都冇乜料到,最主要係冇天份,其次係冇恆心,玩2嘢又唔玩,今日行開琴行,見到有個Amp幾舊水,又幾好聲,買番去玩吓,睇吓有冇新衝激.........


賣尾箱蓋,有冇人要??因為之前拆走咗尾翼,而家有5個窿响度,用膠塞封好咗,番噴順便換過新啦!費是煩,全新要$1000,好肉痛,希望有人幫補吓!http://hk.f2.page.auctions.yahoo.com/hk/auction/b2619203

2005年8月17日


又加!普通油已過了$13/L大關!痴線!而家玩車好難,乜都貴!最嚇人係無論經濟好與壞,油價都不停咁加,好多人都覺得油商係奸商;但看看政府,油稅一樣係高企。其實油稅應該減D嚟調整一吓啦,而家咁樣,真係有D官商鈎結之嫌,車主惨變苦主.......慘慘慘!


唔好再問我:「係唔係賣車?」、「點解賣?」、「有冇料拆賣?」........自從8月頭放低咗部去車房之後,我已收到不下數十個電話&Email,都係問相同問題!哈.......我唔講只係我怕我揀錯,揀乜?係顏色!係呀!部車轉色!!8年車啦,其中4年係泊露天,D色晒到殘晒,而且有多處花痕,加上早前比人Hit & Run,儲埋一次過噴,唔過份啦?而且呢個'project'我已plan咗2年,一直都唔捨得........我揀咗乜色?秘密,因為我都唔知結果係點.......!?耐心等待啦!!


見到阿哥開咗個Blog,覺得幾過癮,自己心思思又想開番一個,一直都好想寫一個屬於自己嘅網頁,但用Flash寫要用好多心機同時間,加上材疏學淺,次次寫咗小小就放棄,Blog就可以好簡單咁記載自己想寫嘅嘢!不過同一般網頁一樣,要經常Update,先可以吸引到人去keep住瀏覽,唔知我可以keep到幾耐呢?另外各位街坊嘅瀏覽及留言,可以鼓勵我keep住update,請多多支持!!