Wilson's AE110

65 & 50
香港嘅交通法例，其實真係好落後，尤其係車速限制，更見嚴重，而家好多車2波過100km/hr已係等間嘅事(我果部唔得…….)，可惜全港道路最高限速只係110km/hr，而且仍有好多「小路」竟然仲係50km/hr，而果D警差叔叔往往就係响呢D「小路」設下陷井，唉！老實講2波未到4000轉都過晒啦……。大前排買咗部雷達探測，係美國牌子Beltrontics嘅RX65，發覺幾好用，定位機，大風筒都好早就叫，起碼5-6個車位，Laser搶都有叫過，估計係射緊前面部車嘅時候我都detect到，不過聽講比laser射中部機响果陣經中咗招……但係有個缺點係佢有好多Laser嘅誤嗚，有時响Highway都叫過不停，估計係Highway旁邊嘅手提電話發射天線干擾，有D煩。不過自從有咗部RX65之後揸車就越來越「勇」，比屋企人大力反對下，終於被迫割愛出讓……戲劇性地，不幸地，無奈地，不久地，我又中咗一張扣3分嘅閃光彈，即刻好後悔賣咗部RX65，前排又靜雞雞買番部Escort Passport X50，嘩！發覺佢比部RX65更好用！首先定位機，大風筒預响距離長咗，平均有8-9個車位，而最好係X50嘅Laser誤嗚係機乎等於0，唔會亂叫靜好多，的確係唔錯嘅選擇！