O2 sensor搬家了
雖然前排換咗支新嘅O2 sensor，但係近排部車間唔中都係突然冇晒力，高轉爆一爆佢又冇事，Engine燈又冇著，篤電腦又冇code，估計都係O2 sensor作怪，其實O2 sensor係要夠熱先可以正常工作，AE110原廠O2 sensor係安响死氣蕉上，而我果部換咗7AFE蕉就冇咗個sensor窿，而改咗响較後嘅頭批之上，可能頭批死氣溫度較低，加上近排天氣凍咗，如果行低轉死氣溫度再進一步降低，就可能令O2 sensor讀數有偏差。都係要去搞搞佢，本來打算去彩虹，點知佢太忙唔得閒，於是去咗威迅，成疏蕉拆出來鑽窿燒番個sensor位用埋封番頭批個sensor窿，人工包料$800……好似有D貴，不過燒焊手工好好，美中不足係支sensor裝好後啱啱少少貼住條冷氣雪種喉，希望唔好有事啦，另外裝番疏蕉嘅時候hi凹咗少少水箱散熱片，搞到我要自己執番好。經過咗1000km低轉試車暫時未有冇晒力現象，問題可能解決咗！
沒有留言:
發佈留言