大換血
呢排部車「笠」晒，而且副偈D聲好「燥」，聲大大又唔快，原來偈油行咗成7000km，唔怪得啦！前排買齊晒D偈油&波箱油，一直都懶得換，自已試過換波箱油，但係粒入油縲絲緊到死我拆極都鬆唔到……%&$%&^*@......，終於都係去咗俾車房換，換完之後爽晒！好奇怪，換出來D偈油正常地黑，但係D波箱油行咗20000km都係透明金黃色好鬼乾淨，不過見行咗年幾，換都正常！6速波箱可能多D齒輪，所以裡面空間細咗，2.5L油都唔夠就搞掂，等我仲買咗4L油！又講吓呢間車房，可能有好多車友都幫襯過，葵興嘅合眾佳信汽車用品有限公司，呢間舖頭我識咗好多年，都算好老實，你問我佢係唔係最平？我只可以答：「D嘢又唔貴」，不過就跟到好足同好細心，而家好少胎舖仲用磅尺去緊軨縲絲，多數都係用風炮狂打緊就算，起碼佢地仲用磅尺，裝拆胎都唔會整花條軨。我上次行17” RP-01劏咗胎，佢都即刻同我班到套Enkei CP-01 & Yokohama AVS Sports番黎，都算係咁！如果大家响附近都可以去幫襯吓，你同老細「阿楊」講話係我介紹，可能會比個靚價你！哈哈！廣告就賣完，係咁先！
合眾佳信汽車用品有限公司
Add: 葵涌光輝圍 45 號萬成樓地下 4 號舖
Tel: 24289193
http://www.goldwillhk.com/front_index.php
13 則留言:
你係咪幫襯佢換佢D偈油？？佢有無比支神油你用？？
我自己買油去，佢收番人工，我有同我提到神油, 但佢話入加X士冇乜用，所以我冇用
同問一問你之前噴油洗唔洗 book 日子？要唔要等好耐？
book 日子 = 要, 等咗1個月左右
噴咗2個月多D, 因我好奄尖！ :P
而家咁潮濕大噴唔係時候！秋天好D喎！除非有局油房；我05年8月放低部車10月中拿車，8月跣灰省底油, 9月至10月中噴油加拋光！
唔係呀？？真係要咁耐！！
我奄尖遮
快嘅3-4 weeks 就ok
我噴完用陽光晒吓D油, 會乾透D <--comment from the paintshop master and Louis !!
oic！！
wilson兄,
入波相油唔係就咁係上面波相油尺果度入架咩？我上次就咁係上面入咋喎!!!有冇問題架???
AT= 波相油尺入油
MT= 冇波相油尺o架, 要開粒縲絲入到滿瀉先叫ok
呢間野我都有搵佢換油,跟得幾足同老實,服務態度好,不過換油次次都入到滿,有一次提左佢咪鬼入咁滿都打爆晒...佢話驚舊車食偈油
我驗車都係搵佢
不過最衰就係維修佢判俾另外一間做,果間野條友態度好鬼差,上次上去執番d手尾,好似我爭佢錢咁...
自動波人, 係la, 好多車房都驚有鑊氣，係唔係都入爆偈油,咁講真响佢地個角度睇又o岩o嘅, 一陣間遇著一部真係食偈油o嘅, 冧o咗偈就有排煩, 我個fd部111, 1星期要加1L油，痴線......! 不過太多油就真係好'Lup', 至於外判工程我就未試過了......始终深層少少o嘅維修都係搵番熟D會好D！
之前熟果間車房介紹俾朋友,做得好差,又收得貴,攪到我都唔敢去...
所以我一向都唔敢介紹車房比人，換吓胎換吓果D輕'kang'嘢就冇所謂
發佈留言