老危！！！
今日於旺角勝利道响好短時間内見到2單老危事件！真係想係呢度同大家分享一吓！最先係有部舊款Mazda 323 Astina，個死氣尾鼓同個尾喉咀已經完完全全咁斷開咗！！！佢應該係有2個吊碼仲吊住，搞到行車時個尾喉咀自己搖吓搖吓，尾鼓就自己彈吓彈吓，仲差少少跌出來拖住地咁行，我咁啱仲跟佢尾……睇唔過眼所以影低佢！轉出大街後我即刻入第二條線避咗佢！老實講，條喉都斷咗仲要彈吓彈吓，行車時都肯定「Ping Ling Pong Long」咁聲，有乜理由仲周街行咁老危o架？又試諗吓行行吓成個尾鼓跌咗出來，後面部車就算有什麽安全車速或安全距離都冇用，肯定硬食！唉！本來我都想通知該名車主，不過自己又揸住部車，冇計！又或者佢正去緊車房維修途中啦！唉……算啦！如果邊個認得呢部車，就真係通知吓個車主啦，免得累街坊！！跟住又見到部拖車拖住部抄咗份頭嘅CD Accord，仲堅，部Accord車尾竟然大無私樣咁坐住個乘客，我記得法例係唔容許被拖住嘅壞車上載客，因為好耐之前我都試過咁嘅情况，個拖車哥哥話咁樣係唔得嘅！又啱嘅，倒轉諗如果拖車個架有乜東瓜豆腐，被拖嘅車甩咗出來，我諗作為車上嘅乘客就只有等……你都咪話唔驚！雖然機會係好低，但係意外嘅嘢就係咁！
4 則留言:
嘩!架ASTINA真係好危險!
Hello!!! 2者都很危險, 不過... 你是否在行車中來拍照的??? 這麼, 你比他們還要危險得千萬倍!!!
thanks samuel
For the Mazda, i m taking photo in Victoria Road in a light traffic jam, we (Mazda and me) were stopping the car and wait going out to the main Rd.
For the Accord, can u see the 'RED' traffic signal ?? We all were stopping too ! Please see clear !!!
BTW, 什麼都係以安全為先. 你見到新車或dream car都不要馬上用K800i拍下, 我明白了... HaHa!!!
發佈留言